|
 Nam, jako rejowanskej
skupinje, kotraž załoži so 1997 składnostnje 750-teje róčnicy
prěnjeho naspomnjenja Ćiska, je wosebje wažne, serbske ludowe reje po
cyłej Němskej a we wukraju předstajeć a tam wo Serbach
rozprawjeć. Tak mamy mjeztym prawidłowne wustupy na festiwalach, měšćanskich
a wjes- nych swjedźenjach a druhich zarjadowanjach.
W našich programach předstajimy
stare ludowe reje kaž tež nowochoreografowane figurowe – a kołoreje, w
kotrychž jewja so zakładne elementy, kaž so wone w prjedawšich časach
w srjedźnej Łužicy rejowachu. Su to w prěnim rjedźe
dwojostup, walčik a pólka. Tute reje předstajimy w originalnej
narodnej drasće ewangelskich Serbow Wojerowskeho regiona.
Naša dołholětna
wuměłska nawodnica Helga Hanšowa je nowe choreografije k znatym
serbskim spěwam wuwiła. Předstajamy pak tež towaršne reje,
kotrež běchu za čas našich staršich moderne. A čehodla tež
nic?
|
